5 تطبيقات رياضية للبنات اللي مش هتصحي 6 الصبح عشان تتمرن

خطط لياقة بدينة سهلة هتعمليها من غير ما تطلعي من أوضتك.

عاوزه تتمرني بشروطك و إنت بتمسعي عمرو دياب في أوضتك و تحافظي علي خصوصيتك, يبقا ال5 تطبيقات دول تختاري منهم إتنين تلاته و تنزليهم علي موبيلك دلوقتي.

1

Qinetic

التطبيق ده نعمة للبنات اللي معندهاش طاقة إنها تصحي من الفجر عشان تتمرن, التطبيق بيقدم خدمة "الفيديو علي الطلب" اللي بتقدملك تمرينات تعمليها في البيت سواء كانت زومبا أو يوجا أو أي حاجة تحتاجيها.

2Freeletics Bodyweight

التطبيق ده للبنات اللي معندهمش قدرة بدنية كبيرة عشان يعملوا تمرينات شاقة. التطبيق في ميزتين, الميزة الأولي: إنه بيخليكي تعملي إختبار الأول عشان يعرف يعملك جدول أسبوعي يناسب قوتك.الميزة التانية: لو أوضتك مش كبيرة فالتطبيق فيه وضع ال2 في 2, التطبيق بيوريكي تعملي التمرينات إزاي في أوضة 2 متر في 2 متر بس.
3Sworkit

التطبيق الوحيد اللي حصل علي كلمة "مثالي" من الجامعة الأمريكية للتدريب الرياضي في سنة 2015 , التطبيق فعلاً فيه كل التمرينات من قوة لكارديو ليوجا.. المهم بقا إنه فعلاً بيعمل شرح للمبتدئين جداً و بطريقة صح جداً. التطبيق فيه ستوب واتش جواه عشان لو معكيش ساعة رياضية. من الآخر التطبيق ده "ثقة".
4

Charity Miles

التطبيق الوحيد اللي حصل علي كلمة "مثالي" من الجامعة الأمريكية السنة دي هتضربي عصفورين بحجر واحد , التطبيق دي بيسمحلك تحرقي دهون و تعملي خير في نفس الوقت, لأن التطبيق بالتعاون مع متبرعين زي "جونسون آند جونسون، تشوباني، و هوماني" , بيتبرعوا بفلوس كل ما أنتِ بتجري أو بتركبي عجلة أو حتي بتمشي, إتحركي إنتِ بس و هم هيدفعوا.التطبيق "مسلي".

5

Nike + Training Club

التطبيق ده للبنات السوبر اللي بيموتوا في الحركة و العرق, البنات اللي مبتعرفش تهزر أو اللي بيدوروا علي نتيجة سريعة.

التطبيق بيقدم إختيار تدريبات مع دليل سماعي مُقدم من كبار الرياضيات زي "سيرينا ويليمز" أو مغنيات و فنانين زي "إيلي جولدنج"

و كمان بنظام فتح الجوائز و الأوسمة عند كل مرحلة مش هتحسي بتعب خالص.

______________جرب في مصر__________

لو عندك تطبيقات تانية غير بتسمعلها شاركها معانا :)