إيه هو الـ Snap Chat و كل ما تريد معرفته عن التطبيق

  

Snap Chat || سناب شات

تقريباً 12 من كل 10 أشخاص ميعرفوش إيه هوالـ Snap Chat, أيوه أنا قلت 12 من كل 10 أشخاص

أنا نفسي مكنتش أعرف عنه أي حاجة قبل ما أبدأ كتابة المقال دا. هو تطبيق زي أي تطبيقات السوشيال ميديا

هو عبارة عن تطبيق لرفع الصور و الفيديوهات لوقت محدود اللي هو ثواني.

من خلال التطبيق تقدر تشارك صور و مقاطع فيديو صغيرة كقصة خاصة أو مع أصدقاء أو مع صديق و طبعاً المدة اللي بيفضل فيها الـ Story بتبقي تقريباً عشر ثواني. و بعدين القصة بتختفي. أنا نفسي مكنتش شايف إيه الممتع في كدا بس بدأت أحب التطبيق, تابع بقي معايا اللي جي عشان المقال هيبدأ يحلو.

إيه المفيد في إنك تعمل شير للحظة أو قصة لوقت بسيط جداً و كمان مش بيتحفظ !!! , اللي كل الناس مش عارفاه

أنه ممكن بحفظ القصة بتاعتك, و أوبشن كتيييير هنكتشفها مع بعض. هبدأ معاكم واحدة واحدة, أبسطلكم الدنيا.

إيه ال صناب شات علي رأي الراعي الرسمي الخمسة أموااااااه "فيفي عبده" 

بدأ السناب شات في 2011 يعدي حديث, وحوالي 100 مليون شخص بيستخدموه, و حوالي 700 مليون فيديو و صورة بيتم مشاركتهم

يومياً, و Bla Bla Bla , دا كله رغي كتيير إحنا في غني عنه ندخل في المفيد:

سن الناس اللي بتستخدمه يتراوح بين 25 لـ 55 سنة  و الأكتر اللي بين 18 لـ 24 سنة بنسبة 45% يعني من الآخر شبابي, معتمد علي فكرة الـ Vine , عشان الناس تتواصل مع بعضها, نيجي بقي لجزء أنا كدا إستفدت إيه

بصوت المستشار مرتضي منصور... LOOOOL.

هيفيدك إنك هيبقي عندك أصحاب علي مستوي العالم, و علي المستوي المحلي, و هيخليك مشهور شوية إلا لو أنت أو أنت متابعة عليه و كل يوم لاجئ عليه.

عشان كدا جبتلك كل المصطلحات اللي هتفيدك إنك تبقي من مشاهير الصناب شات:

Snapchatters: دا اللي هو أنا و أنت و أنتِ و كل اللي بيستخدموه

Snap: وهي عبارة عن صورة أو فيديو تم التقاطه عبر سناب شات بحيث يمكن إرسال اللقطة Snap لمستخدمي سناب شات Snapchatters أو ارسال عدة لقطات لعدة مستخدمين والتي لا يمكن رؤيتها إلا من قبل المستلم المحدد ولوقت معين من ثانية إلى عشر ثواني.

Snapback: دا بقي الرد بتاع الناس عليك

Story: يشير هذا المصطلح إلى إمكانية إرسال لقطة أو Snap لمجموعة من الأصدقاء، وبإمكان المستلمين رؤيتها لعدد مرات مفتوح خلال 24 ساعة، كما تشير إلى إمكانية إرسال عدة لقطات أو snaps للقصة الخاصة بالمستخدم بحيث يتم تجميعها لتشكل قصة واحدة. 

Scores: ويشير هذا المصطلح إلى إجمالي عدد اللقطات التي قام المستخدم بإرسالها واستقبالها، والتي تظهر بجانب اسم كل مستخدم في قائمة الاتصال الخاصة بالأصدقاء والعكس بالعكس. " ملحوظة أنا مفهمتش أصلاً دي إيه, لو إنت فاهمها فدني الله يخليك أني أفهمها" 

Chat: و دي الميزة اللي بتسمح للمستخدمين بالتواصل فيما بينهم عن طريق الرسائل الخاصة. " الشاتنج"

Here:ودي بقي بتخليك ترسل صور و فيديوهات من المحادثة

رايح فين, تعالي نتفرج علي شوية مشاهير و حساباتهم

 الصورة دي بتعرفك أزاي تضيف حد 

سيلينا جوميز 

كيم كارديشان 

الأخ كريس برات

يلا تجول في التطبيق  و أستكشف عالم المشاهير و غير بقي روتين الفيس و الواتس و الإنستا

تقدر تحمل التطبيق من اللينك  دا:  صناب شات

شكراً ليكم. أدعمونا بمشاركة و تابعوا كل جيد

Try In Egypt || Snap Chat

هتعرف كل حاجة معانا

Try In Egypt >> Enjoy-Nation