5 حالات من الفرندزون لازم تهرب أول ما تشوفهم

شباب كتبر بيتعرض لأنه يتحط قي قاموس البنات للعلاقات تحت مسمي الفريندزون , الفريندزون هي المنطقه إللي بتحُطك فيها البنت إللي إنت بتحبُها ، وتبدأ تتعامل معاك ومع أي تصرف يصدُر منك على إنه تصرُف من (صديق).. دا بغض النظر عن مشاعرك تجاهُها سواء كانت ظاهره أو خفيه.. 
بتكون عارفه إنك بتحبُها بس بتقولك خلينا "أخوات" أو "أصحاب" أحسن وهي عارفه إنك هتفضل تعاملها كاحبيب سواء هتظهر ده أو تُبطنُه طول فترة تعاملك معاه

الفريندزون نفسها بقى بتنقسم لكذا فرع وقسم..

النوع العائلي "بودي"

سواء كنت أكبر منها أو أصغر منها في السن, فإنت هتبقي في نطاق الأخ فقط, هتبدأ تدخلك في مشاكل البيت و تحكيهالك, أنت مجرد فيد من العائلة.

النوع الطبي "الدكتور"

لما تبدأ هي تدخل في مرحلة إكتئاب, تلاقيها بتدور عليك وتحكيلك وبكُل طبيعيه على إللي حاساه وتاخُد رأيك وممكن تكون مُشكله عاطفيه، بس إنت مُجرد صديق.

النوع التيك اواي "مودي حبيبي"

لما تحصلُها عثرة في علاقتها الحاليه أو تزهق من الشخص التاني إللي بتحبه أو لقىت نفسها فاضية وعايزه تجرب حاجه جديده، تبدأ تجيلك وترسم معاك على علاقه وتعيشوا الجو وكده، ولما خلاص الوضع بتاعها إرتاح وإشتاقت لعلاقتها القديمه فتسيبك عادي وترجعلُه ولا كأن حاجه حصلت بينكم، إنت كنت مجرد مهرب).

النوع "بتاع المزاج" "الأراجوز"

عارف إنت القرد اللي الناس بتقعد تتفرج عليه مع القرداتي و تضحك, أهو أنت القرد و هي القرداتي, لما تبقى قاعدة ومش لاقية حاجه تعملها او حد يكلمها أو لما تكون قلقانه بالليل وبتاع وعايزة حد يسليها فتلاقي الشات بتاعك فتح فجاه وإسمها موجود فوق وعينك تلمع وترُد عليها، ياترد ببرود يا تطنشك عشان هي كانت فاضية وقتها ودلوقتي خلاص مش محتاجاك يعني).

النوع الشاحن "معكش شاحن نوكيا !!"

عايز تعرف العلامة الدولية للفرند زون, قابل مخترعي العلامة !!

النوع دا بقي بيبقي كدا : لما تكون خارجة من علاقه فاشله وتم رفضُها من شخص تاني، لازم تلجأ لحد عشان يحسسها إنها مرغوبة وإنها عاطفيًا مش فارغة ومُهملة، تلجألك وتقعد تتكلم معاك وتمارس حياتها عادي لغاية لما ترجعلها إحساسها العاطفي بنفسهاا وتملالُها الفراغ إللي الشخص التاني سابه، فتبدأ تطنشك ويعاملك كصديق)..

~~ في كل الحالات اللي فوق دي, هتحس إن الفرندزون متشابهة, حاول تبعد عن منطقة الفرندزون, إلا إذا كنتم إنتو الإتنين فرندز أصلاً. يعني لا يوجد مشاعر عاطفية بينكم.

بس نصيحة مني ..... إهرررررررب

ـــــــــــــــــــــــــــــــــــ

جرّب في مصر || Try In Egypt

Enjoy-Nation