بعض العادات الصحية الضارة !

مضادات الأكسدة و الأحمال الثقيلة
و بعض العادات الصحية التي قد تضرك

كل الرجالة علي وجه الأرض بيبقوا عايزين يتمتعوا يصحة كويسة عشان شغلهم و مظهر جيد عشان الشكل العام, في اللي بيدور علي الجسم المتناسق و في اللي بيدور علي جسم جذاب مفتول العضلات, وللأسف في طبعاً اللي مش بيتمتع بالشكل الخارجي الكويس لأنه ببساطة إستسلم للواقع اللي هو فيه, بيجب الأكل و بيتجه للأكلات المضرة للصحة لأنها غالياً بتبقي ألذ من الأكل العادي.

كل الكاتبين اللي علي النت تقريباً بتكتب عن أزاي تحصل علي الجسد الرشيق و المتماثل و الممشوق, بس انا مش هكلمكم في المقال دا عن موضوع قريته إنت أكتر من خمسين مرة !!

بعد ما قريت كتير عن الموضوع حبيت أنقل لكم الخبرة اللي أكتسبتها من القراءة ة التطبيق في الموضوع دا,  في المقال دا هعرض عليكم ستة أشياء كنّا فاكرينها مفيدة, بس نسينا نبص علي أعراضها أو الجانب المظلم ليها.

1# : إستخدام ماء الأكسجين في تطهير الجروح

طبعاً أنت كنت مفكر إنها بتقتل الميكروبات و الجراثيم و بتطهر الجرح, بس وفقاً للأبحاث العلمية: أُكتشف إن ماء الأكسحين بتقتل الخلايا الحية, و كمان بتجعل الجرح عرضة للعدوي لفترة أطول, بالرغم من أهمية المادة الكيميائية في الطب لأنها بتسخدم لتقشير الجلبة المحيطة بالجرح بعد إلتئامه, إلا إنها بتستخد تحت إشراف الطبيب المختص.

عشان نبعد أي مخاطر نتيجة إستخدام ماء الأكسجين بيتم تخفيفها بالمياه,  و أتركها علي الجرح لمدة عشر دقائق عشان نقتل الجراثيم و البكتيريا المهددة للجرح. و بعد كدا حط مرهم مضاد حيوي أو مضاد حيوي اللي بيتم رشه عشان معاجلة المنطقة المصابة بالجرح و تغطية الجرح .. و بكدا تكون العادة الصحية التي قد تضرك أصبحت عادة صحية لن تضرك.

2# , 3# : إستخدام مسكنات الألم لكل شعور بالألم

أولا : الإستخدام دون الإستشارة أو الدواعي الطبية

ثانيا : الإستخدام المفرط

طبعاً كلنا عارفين إنه من الغير صحي إستخدام الأدوية الطبية "عمال علي بطال", حتي المريض بيتعب بعد فترة من إستخدام الأدوية,

في ناس بتبقي ماشية في شنطتها مسكنات الألم و بيفرط جداً في إستخدامها, ساعات بحس إن الشخص دا من كتر إفراطه في إستخدام المسكنات, إنه عمر ما الألم هيتوقف إلا لو أخد المسكن, وصل لدرجة الإدمان و بكدا العادة الصحية أصبحت غير صحية.

طبعاً المسكنات الطبية و الأدوية عموماً لا يجب بتاتاً إستخدامها إلا تحت الإشراف الطبي, و الإفراط فيها خطأ فادح في حق نفسك و حق صحتك, عشان كدا بنصحك إنك تستخدم المسكنات فقط في الحالة الطارئة و كمثال "وجع الأسنان" لأنه بيبقي الم مبرح حرفياً, و يُفضل إستخدامها تحت الإشارف الطبي أو الصيدلي.

و ظاهرة إنتشار مسكن الألم المعتاد للمصريين بشكل خاص "الكتافاست", يجب أن تتوقف.

لأنك هتيجي وقت هتحس إنه مبقاش كافي إنه يوقف الألم و هتبقي مضطر إنك تبحث عن مسكن أقوي و هكذا, لحد ما يظهر الأثر السلبي للعادة دي.

** نصيحة الصحة شيء مهم, حافظ علي صحتك.

4# : الغسيل المفرط للخضراوات و التخزين الخطأ

فئة كبيرة تعتقد أن كل ما تغسل الفاكهة أو الخضراوات أكثر كلما أصبحت أنظف و أقل بكتيرياً. الفكرة دي صح بس في حالات لازم نتجنبها. أولاً إن كتر الغسيل بيجي معاه أحتكاك الخضار و الفاكهة أكثر بالأحواض أو الإناء اللي بتغسل فيه أو حتي سكين التقطيع,

كتير هيقلي إيه المشكلة في كدا !!, كلنا عارفين إن البكتيريا شيء لا يُري بالعين المجردة, عشان كدا لازم نتبع التعليمات الصحية و العلمية. في باكتيريا تأتي من الغلتماس المباشر المفرط بين الإناء أو مادة التقطيع و الخضراوات و الفاكهة بتسبب أمراض قولونية و معدية. عشان كدا نغشل الفاكهة و الخضار مرة أو مرتين و نغسلهم كويس أوي فيهم. عشان نمنع وصول البكتيريا دي للسطح الخارجي للمادة العضوية دي, و ناخد بالنا من نظافة أداة التقطيع. 

لازم ناخد بالنا إن الثلاجات بتلاقي فيها أماكن تخزين مختلفة, دا طبعاً لسبب و هو إن مينفعش تحط اللحوم جنب الخضراوات أو حتي الخضراوات بجانب البيض أو الأطعمة الجاهزة, عشان كدا لازم نفضل و نخزن الأكل عموماً بأشكاله بطريقة صح, و مننساش نستخدم أغلفة صحية لتخزين الطعام فيها.

5# : الأحمال الثقيلة و عدم الإحماء قبل الجيم أو الألعاب الرياضية

معظم الشباب بيعتقد إن كل ما أشي أكثر كل ما بنيت جسمي بشكل أسرع و بنيت عضلات أسرع, دا معتقد خاطيء التمرينات الرياضية ليها نهج معين لازم نمشي عليه و نتبع تعليمات المدرب المختص, بس هوضحلك مشكلة بسيطة:

الجسم ليه قدر معين مينفعش يتخطاه, بمعني إن أنا أقدر أشيل 20 كيلو بس جسمي يقدر يتحمل 35 كيلو وزن, دا معناه إني هشيل وزن لحد 20 كيلو و هبقي مرتاح في التمرين كل ما أزود كل ما هتزيد مشقة التمرينات, لحد Limit معين اللي هو وزن ال 35 كيلو, أول ما أتخطي الوزن دا هبدأ أضر أول حاجة العضلات و كل ما أزود أكتر هبدأ يوصل التأثير للمفاصل و أزود كمان أبدأ أضر العظم و الأعصاب ة هكذا, عشان كدا بننصح بمعرفة مقدرة جسدك و قدرتك العضلية و تطريرها واحدة واحدة عشان أبعد عن الأضرار.

المشكلة التانية إن يغمرك الحماس للبدأ في التمرين و تنسي تعمل تمرينات الإحماء, اللذ وظيفتها إنها تنبه العضلات و الأعصاب لمرحلة التمرين اللي الجسم هيبدأ يستعد ليها أثناء تمرينات الإحماء, أكيد كلنا سمعنا عن مصطلح "هنزل أسخن العربية قبل ما نتحرك"

دا تشابه 100% باللي بحكيه دلوقتي, لازم نهيأ الجسم و إلا الجسم هيعاني مشقة لأنه لم يكن مستعد للمرحلة دي و هتتعب بسرعة و هتحس بإن أداءك ضعيف و دا هيزيد الإحباط و ناس كتير بتبطل تكمل التمرينات عشان حست إنها صعيفة و إن التمرينات شاقة ويادة عن اللزوم, و ياما دفعنا فلوس الجيم و مروحناش هو أخرنا إسبوع و نوقف بسبب المشاكل اللي حكيتها دي, خد بالك "عاش يا وحش".

6# : الفري داي المفرط 

لا يوجد أي مانع طبي في الرجيم, إلا فقط في حالات المرضي اللي الطبيب مانعهم من الرجيم. طبعاً مصطلح الـ فري داي مش جديد عليك, الجديد بس إن إيه هو الـ فري داي دا و لازمته إيه ؟. هومهم جداً أثناء فترة الرجيم لأنه بيمد الجسم بالطاقة الأساسية لتخطي مرحلة نقص الأكل أثناء الرجيم, و كمان مهم لقتل الرغبات الملحة بأكل المحشي و المكرونة بالبشاميل و الشيكولا عشان ميخليش نفسك في حاجة بقية الأسبوع.

الخطر بقا إنك تعتبر اليوم دا أكل بلا حدود, الجسم بيبقي طول الإسبوع مش متعود علي الأكل الزيادة. فعشان كدا مينفعش تفاجئه بطريقة الأكل و كميته الشرهة. أعراض دا إيه بقي :

1. يدمر النظام الصحي 

2. صعوبة الهضم للكمية الجديدة علي الجسم

3. يقتل الرغبة في إستكمال الرجيم

4. كل فري داي حضرتك هتاكل أكتر من اللي قبله, عشان كدا خد بالك كويس أوي إنه لو زاد عن حده, هيبقي الموضوع بنثابة توقف للرجيم و رجوعك للأكل بشكل أزيد من الأول و طبعاً بدل ما خسيت هتبدأ تزيد 25% زيادة عن الوزن القديم

نصيحة مني : إتبع تعليمات السلامة الصحية, فلا يوجد ما هو أهم من الصحة و هفكرك بمقولتين من أيام المدرسة

- الصحة تاج علي رؤوس الأصحاء لا يراه إلا المرضي

- العقل السليم في الجسم السليم

كدا أنا خلصت المقال, ياريت أكون زودت معرفتك بشيء و لو حتي صغير و مرة تانية صحتك تهمنا

تابع كل جديد علي Try In Egypt موقعك الأول و الشامل: رياضة - صحة - موضة - خروجات - كورسات .. إلخ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Try In Egypt || جرّب في مصر

صحتك تهمنا

Try In Egypt || Enjoy-Nation