هتجري؟ , يبقي لازم تتبع السبع نصائح دول

الجري من الأنشطة الرياضية المفضلة لأكثر الناس نجاحاً في العالم علي فكرة و سمة للشعوب المتحضرة.

لكن للأسف الناس بتجري بطريقة غلط و ده بيؤدي لمشاكل في التنفس و مشاكل في العضلات و تمزق أو حتي كسر.

و عشان تظبط جريك أو تبدأ جري علي نضافة يبقي تتبع التسع نصائح دول:

1- التوازن :

إفرد جسمك, صدرك للأمام و يديك تتحرك جنب جسمك بس كوعك يكون دائماً ورا وسطك.

2- التنفس:

إرفع راسك فوق لأنك لو  ميلت راسك للأمام هتقفلك بدراعك علي صدرك و أنت بتجري

و ده هيمنع تدفق الهواء في رئتك.

3- تحديد الخطوة:

بمعني إنك تبص في المكان اللي عاوز رجلك تنزل فيه مش أي مكان تاني, بالطريقة دي 

خطواتك هتبقي محددة و سليمة بسبب إتباع جسمك لمكان رؤيتك. 

عشان كده متجريش في مكان في مشتتات كتير زي مخلفات و كده.

4- سحب الركبة:

إرفع ركبتك و متسحبش رجلك. ده هيخليك متتكعبلش و أنت بتجري

5- طبيعة المكان:

لازم تختبر المكان اللي هتجري فيه عن طريق المشي فيه.. المكان يكون مستوي, رطب, يفضل أن يكون مظلل أو ساحلي.

6- وقت الجري:

الوقت الأمثل للجري من 4 ل6 الصبح و بحد أقصي 7 , و من 4 العصر ل6 المغرب.

أوعي تجري تحت شمس أشعتها مش مائلة. الجري من 10 ل 3 مصيبة!

7-لبس الجري:

طبعاً حذاء رياضي هو الأفضل و يكون مخصص للجري و ده في منه كتير تقليد و هتلاقي الحاجات التمام في ACTIV, ADIDAS, NIKE, FIFA STORES.

الملابس برده من الأفضل تكون مخصصة للجري. أهم حاجة الملابس الداخلية بتسبدل تماماً بعد كل 20 غسلة بعد الجري.

8-الجري مع كلبك:

عشان تجري مع كلبك ده حوار, بس علي العموم من الأفضل تدربه من صغره, إبدأ بطيء و بعد كده سرع, خد بالك من إستراحة الشرب و إديله زيت الحشرات , خد بالك من المكان يكون مناسب عشان متأذيش الناس التانية.

9-إستخدم التطبيقات:

في تطبيقات بتحسبلك جريت قد إيه ده لو مش معاك ساعة ذكية. ودي خطه حلوه عشان تشجع نفسك.