لو عديت ال 21 سنة و إنت سنجل ... هتفضل طول حياتك سينجل

إجمعوا هنا !!

المقال دا للناس اللي بين سن 16 لـ 20 و نص :D , طبعاً كلنا عارفين إن زمن الحمام الزاجل و الرسايل اللي بتوصل للحبيبة خلصت من زمن الزمن, و بقت موضة عدي عليها زمن أقل ما يُقال عنه "سحيق" و الزمن السحيق اللي أنا معرفش هو قد إيه, ممكن يوصل ل 10 - 15 سنة. دلوقتي مع تطور التكنولوجيا بقي الموضوع أسهل و بقي عندك نت و كراش.....

و بالنسبة لموضوع الكراش فهو غني عن التعريف. بس هعرفك بيه بردو كنوع من أنواع الغلاسة و الرغي الكتير, الكراش هو عبارة

عن سكتة قلبية دماغية تطول الأمعاء و تسبب إختلال في التوازن تتطيين عشيتك. و تقريباً كل شاب أو فتاة عندها أو عنده كراش أو إتنين أو تلاتة كمان, لدرجة إن بقي في ناس ماشية تكراش علي نفسها !! و العياذ بالله.

أصبح إن بدل ما كنت بتفضل مراقب البنت و تفضل ماشي وراها من المدرسة للبيت و من البيت للدرس و من هنا ل هنا, لحد ما كعوب أهلك تورم و بردو "هتنفضلك" في الآخر, بقي دلوقتي بس ممكن تعرف إسمها و الأكونت بتاعها علي الفيس و تفضل ماشي وراها من صفحة كن بضيناً مثلا لحد صفحة برفايل و من جروب محبي عمرو دياب لمناصري و مؤيدي حسام غالي رئيساً للجمهورية. و تراقب البوستات بتاعتها و عملت لايك لإيه و هكذا.
"تقدر تعرف رأي 18 شاب عن موضوع الكراش من هـنـا"

لا كمان بقي الوضع أسهل مع البوك "POKE" اللي هو بيركب الواحد الهوا دا لما تفحر في جنبه :D , و بعد ما أصبح العالم منفتح و الأنترلوب هيفرتك الترينك يا هبة, بقي So peace إنك تدخل البروفايل من رسايله و تبعت, هاي أنا عبد الحميد أشرف المتبولي ممكن نتعرف ؟!, تقوم هي متردش عليك و تتقل. تقوم قايل أنا شوفت في محاضرة الدكتور بلبل زغلول بتاع الإقتصاد و كنت هموت و أكلمك و سرحت فيكي و في جمالك.. تقوم هي قايلالك إنت مش محترم و قليل الأدب ممكن تبوسني !!! , أيوا يا جماعة العالم أصبح منفتح تماماً. أه والله زي ما بقولكم كدا.

نرجع لموضوعنا, تقول الأسطورة الصينية اللي أنا مش عارف مين قالها "شوتانج بونج شانهو بينج" و اللي معناها هتفضل سينجل لو عديت ال 21 من غير ما ترتبط, و تقريباً 99.9% مش متأكدين من صحة المقولة الصينية إللي أنا إخترعتها و أنا بكتب المقال. بس هي فعلاً حقيقة إرتبط قبل ما قطر الإرتباط يفوتك و تبقي عايش في مصر و كمان سينجل و مش بعيد تكون زملكاوي

إنصرفوا

جرّب في مصر || Try In Egypt

السنجلة مش جنتلة

Try-Single-Nation